Паважаныя абаненты!
1 чэрвеня 2022 года ў ZALA пачалося вяшчанне новых тэставых тэлеканалаў.
На 144-й і 145-й кнопках у дадатковым пакеце «Дзіцячы», пашыраных пакетах ZALA IPTV, а таксама ў базавым пакеце «Канапа ТБ» SMART ZALA з'явіліся «Тэлеканал «Дзіцячы» і «Ginger».
«Тэлеканал «Дзіцячы» – забаўляльна-адукацыйны канал, які прадстаўляе айчыннае дзіцячае кіно, серыялы, расійскія і замежныя мультфільмы, пазнавальна-забаўляльныя шоу і шмат іншага.
«Ginger» – інтэрактыўны канал для дзяцей 4-12 гадоў. Яго галоўны атрыбут – музычныя кліпы і праграмы з удзелам юных талентаў. У эфіры вы таксама ўбачыце дзіцячыя сіткомы, пазнавальныя праграмы, поўнаметражныя мультфільмы, анімацыйныя серыялы і мастацкія фільмы.
Тэлеканал для ўсёй сям'і «Animal Family» з'явіўся на 79-й кнопцы ў пашыраных і базавых пакетах ZALA IPTV, а таксама ў базавым пакеце «Канапа ТБ» SMART ZALA.
«Animal Family» – гэта забаўляльна-пазнавальны тэлеканал аб жыцці самых дзіўных жывёл нашай планеты, цікаўных фактах і гісторыях пра іх. На канале вы ўбачыце эксклюзіўныя праекты пра мілых звяроў і іх жыцці ў свеце людзей.
Таксама інфармуем, што з 1 чэрвеня спыняецца вяшчанне тэлеканалаў «365 дзён ТБ» і «KHL Prime» у пашыраных і базавых пакетах ZALA IPTV і SMART ZALA.